Jipan̄ kōm kal̗ōk Downtown Springdale – ej Main St. eo an Northwest Arkansas ilju im jaklaj
Master Plan eo an Downtown Springdale – kar ejaake im bōke bwe en ṃweien ilo kar yiō eo 2015 – ej kwaļọk juon reiṃaanḷǫk in kōttōpar ekar ejaak in jukjuk in pād ñan juon Downtown Springdale eo ewōnṃaanļọk kōn eļap tōprak im emmourur. Ilo kar 2015, Downtown Springdale ekar bōk elōñ naan in rie ko jān elōñ armej ro ñan jerbal in ñan kemmoururilọk im kōkajoorļọk. Rainin, Downtown Springdale ej pād ilo juon iaḷ eļap tōprakin ñan jerbal in ñan kemmoururilọk im kōkajoorļọk.
Pād ilo juon Kweilo̧k An Jukjukun Pād Eo:
Kobal̗o̗k n̄an juon iaan kweilo̗k ko an jukjukun pād eo
Kweilo̧k An Jukjukun Pād Eo #2
Wōnje, Māe 18, 2022; 6:30 jota; 214 South Main Street
Taije, Māe 19, 2022; 6:30 jota; Jones Center
Kepaak im kōnono ippān Downtown Springdale Alliance eo:
Eļaññe ewōr aṃ jabdewōt kajjitōk ko ak kwōkōņaan letok aṃ jabdewōt lōṃņak, jouj im kūrļọk ak kepaak Downtown Springdale Alliance eo ilo
Investment ak wāwein kein ñan koorļọk jāān im rej ḷoor kālet eo ñan bōk im jerbale Master Plan eo an Downtown Springdale:
Apollo on Emma
Municipal Campus Kāāl
Ṃweo ilo 204 East Emma me Elōñ Wāwein Kōjerbale
Emma Jidikdik
Jerbal in Kōkṃanṃanļǫk ko an iaḷ eo ilo Emma
Jerbal in Kōkāāli Opiij ko Rōļļap Ṃokta an Tyson Foods im Tyson Manufacturing Automation Center
Jerbal in Kōkāāl Ṃweo ej pād JTL Shop ko ie im Ṃōn Wia eo an Tyson
Walter Turnbow Park ilo Shiloh Square
Jerbal in Kakilepļǫk im Kōṃanṃanḷọk Luther George Park
Jerbal in Kōkāāl Jones Center Campus eo
Rendering of the Luther George Park Expansion & Renovation
Mejenkajjik ko an 2015 Downtown Springdale Master Plan
Plan in ej jerbal āinwōt roadmap me ej kwaļọk kōttōpar eo im buñten ne ko rōļļap ñan tōpar mejenkajjik eo ñan kōkāāl, kowōnṃaanļọk, kōkajoorļọk, im kemmoururilọk Downtown Springdale. Downtown ko reḷe im rejeraaṃṃan rej aikuj dāpij wōt juon wāwein emmourur ilo kōjerbal men kein ippān doon - ṃōn jokwe, ṃōn wia, jikin peejnej, ṃōn ṃōñā, jikin kaṃōņōņō, ṃōn taktō, im joko repelļọk ñan aolep armej. Asset ak men aorōk kein renaaj karōki ilo juon meḷan etetal me ej kōkajoorļọk economy ak jāān im men ko ṃweien Springdale, eṃṃan in mour an armej, im an armej eñjake aer ruwainene ilo bukwōn in; im naaj kalōki ñan bōk jeraaṃṃan jān Razorback Greenway eo, Spring Creek, Shiloh Square, Walter Turnbow Park im Luther George Park āinwōt center ak ioḷapḷap eo an Downtown.
2015 Master Plan eo an Downtown Springdale eṃōj jiñaiki im karōke ñan tōpar mejenkajjik kein rej ellaajrak:
EKKAL JĀN KAJOOR ilo an koortokjen asset ak men kein raorōk ṃweien Downtown im repād kadede āinwōt – iaḷ eo ilo Emma, Luther George Park, A&M Railroad, Parsons Stadium, Springdale Municipal Airport, Jones Center eo, Shiloh Museum an Ozark History, arts organization ak doulul in jiña ko, jikuuļ ko, ṃōn jokwe an downtown, Razorback Greenway, Spring Creek, im ebar lōñ – ñan kōḷapḷọk jekjek ko reṃṃan rej waļọk jān Plan in im kapidodoik an jino jerbal.
KARŌK IM PEPE ÑAN JUKJUK IN PĀD KO RELIKIEO me remmourur, rej kōtōprak aikuj ko an armej rainin im jab meḷǫkḷǫk bwe en wōr wōt bwe ñan aikuj ko an ro ilju im jekḷaj, kalōk social capital ak jukjuk in pād ko rej kaorōk doon im jerbal ippān doon, im leļọk iien im jekjek ko joñaer wōt juon ñan an aolep citizen maroñ eddekļọk im ḷe iṃaan ilo mour ko aer.
KŌJERBAL JĀĀN KO JĀN BUKWŌN AK KIEN EO ÑAN WĀWEIN KO RŌĻĻAP TOKJĀER ñan kaaltok rūkkal ro im kepooj iaḷ ne ñan elōñļọk wāwein kōṃṃan peejnej im jāān jān armej ro im peejnej ko make im jab jān Kien.
LEĻǪK UWAAK KO EWŌR MENIN REIṂAANĻǪK IE IM REMAROÑ ṂADṂŌDI me rej berber ioon aorōkin jāān eo kiiō im eṃōj errā kake, rie im bōk jipañ jān jukjuk in pād, im ej likit Downtown Springdale ilo juon jekjek eo ej tōl e ñan kōṃṃan elōñ tōprak im eļap jeraaṃṃan.
Kōn Jerbal in Kōkāāl Meļeļe
Master Plan eo an Downtown Springdale ej juon jerbal in ippān doon ikōtaan Bukwōn eo an Springdale im doulul in ņaetan Downtown Springdale Alliance im rej bōk jipañ jān Walton Family Foundation im Tyson Family Foundation. Itok jān juon jerbal in kōṃṃan karōk im pepe an bablik ak elōñ armej ro, kem naaj etale im lale joñan aorōkin naan in tōl ak kapilōk ko im jerbal in ijjino ko an 2015 Downtown Springdale Master Plan eo – ekoba Downtown Revitalization Principle ko 12 im Urban Design Plan an Plan eo – ilo jekjek eo Downtown epād ie kiiō im jerbal in kōkṃanṃanļǫk ko rooktak jān doon, būrojāāk in kaddekḷǫk ko, im kate ko ñan kemmoururilọk im kōkajoorļọk me eṃōj aer kar bōk jikier iuṃwin yiō ko 6 remootļọk.
Lōṃņak eo eaorōk ilo jerbal in kōkāāl meļeļe in enaaj koba ṃōn jokwe an Downtown, jikin paaki wa ko, art ak jiña im bija ko an aolep armej (public) im ko an juon make armej (private), jerbal in kōkōṃanṃanļọk ko an iaḷ im infrastructure ak men ko reļļap ṃweien public im private im remenin aikuj ñan kattōre juon bukwōn ak laļ āinwōt iaḷ leplep ko, iaļan tūrein ko, ṃwoko, im ko eierḷọk wōt, im kakobaik jerbal in kakilepļǫk im kōkāāl Luther George Park im būrojāāk ko ñan kōkāāl Jones Center Campus ñan aer ṃōttan urban
Update ak jerbal in ñan kōkāāl meļeļe enaaj bar lo ḷǫk 2015 Vision ak Reiṃaanḷǫk eo ñan Downtown Springdale, berber ioon yiō in jerbal ko 6 remootļọk im ekar ḷap tōprak ie, im ejaake wāwein kein eṃōj kōkāāli ikijjien ekkarōk in jerbal ko rej aikuj kōṃṃan ṃoktata im makūtkūt in jerbal ko ñan yiō kaņe 6 rej pedo tok!
Bwe Downtown Springdale enaaj bar juon alen erom “Main Street ak Iaḷ Leplep eo an Northwest Arkansas”; juon downtown eo eḷe iṃaan, erreo, ejouj im ekaruwainene, im eaiboojoj; kōṃṃane juon meḷan ekōḷapḷọk an peejnej im jukjuk in pād kōṃṃan tōprak; im dāpij wōt im kōkajoorļọk jekjekin im kadkadin downtown eo.
Reiṃaanḷǫk an 2015 Downtown Springdale
Let’s stay connected
Sign up to be the first to know about updates about the Downtown Springdale Master Plan.